Avoa Coello abriu un novo hotel que queda preto da parte máis temible do bosque, aínda que ela asegura que non hai nada que temer. Lillebror hoxe vai pasar a noite con ela, e parece que todo vai ben ata que… Avoa Coello desaparece! Lillebror agora si que está morto de medo. Ten que buscar á súa avoa, xunto ao seu gnomo, entre todos os terroríficos hóspedes e as habitacións máis escuras do hotel.
Un thriller emocionante e moi ben elaborado para primeiros lectores que nos esperta medo, intriga e unha lectura moi atenta para tratar de pescudar cal é o gran misterio do libro. Grazas a Jonna Björnstjerna, os mozos lectores poden gozar da novela negra cun toque ben tenro.