Este libro presenta de maneira moi divertida a grandiosidade do Antigo Exipto, con ilustracións cheas de detalles e salpicadas de excelentes chistes. Contén seis relatos en cómic, repletos de criaturas míticas, deuses, faraóns, aventuras e misterios aínda sen resolver, que explican dunha maneira moi orixinal o día a día dos antigos exipcios. O libro intercala breves cápsulas informativas sobre esta interesante civilización, por exemplo, o seu sistema de escritura e o proceso de momificación. Os autores lograron crear unha narración gráfica e histórica para que os mozos, e lectores de todas as idades, aprendan de xeito moi ameno sobre o Antigo Exipto.