Estamos na costa bretoa. Apenas saíu o sol. Dous irmáns, unha moza e un mozo, perden o autobús que os leva á escola. É o comezo dun longo día de vagabundaxe que lles permitirá entregarse con toda liberdade —unha liberdade roubada á rutina— para saciar a súa curiosidade pola paisaxe e os seres que os rodean. E tamén a descubrirse entre eles. A maior é decidida, resolta, impaciente; o menor, prudente, asustadizo, afeito ir a remolque da irmá. Disputas e reconciliacións puntúan a súa aventura: rouban unha barca para atravesar un brazo de mar, furgan nun depósito náutico, escalan un cantil, báñanse nas augas xeadas dunha praia solitaria, traban amizade cun can errante e hediondo, foxen dun garda forestal, búrlanse con insolencia duns pescadores e uns agricultores que os interpelan… Os seus xogos e cancións infantís son dous notas discordantes, fóra de lugar, nunha paisaxe de día laborable. A caída do sol significa o regreso á rutina: imponse a realidade: hai que pechar esa paréntese de travesura e liberdade e regresar a casa.

3º-4º Primaria

5º-6º Primaria