O mundo que nos rodea está cheo de pequenos seres vivos e marabillosos que só coñeceremos se nos tomamos o tempo necesario para observalos con detemento. Este libro, unha alegación a favor da contemplación silenciosa, achéganos ás criaturas que comparten o noso espazo vital—bolboretas e abellas, vermes e mesmo moscas— e a outras formas de vida e elementos como os fungos (ou o excremento das aves!) cos que convivimos distraídamente. Accesible e ameno, ilustrado con tanto rigor científico como creatividade, Observología pon baixo un microscopio imaxinario un centenar de especies animais e vexetais e ofrécenos os datos máis interesantes de cada unha. Como bo manual, introduce ademais ao aprendiz de observólogo nos principios teóricos da actividade, explicando o mellor momento para exercitala e o instrumental básico necesario (lupa, caderno de notas, cámara fotográfica) para sacar o máximo proveito das expedicións cotiás. Moito máis que un mero catálogo de seres vivos e elementos da natureza, velaquí un instrumento para educar a mirada, unha invitación para afastarse das pantallas e deixarse levar polo real marabilloso que temos ante os nosos narices.

4º-5º-6º Educación Infantil

1º-2º Primaria

3º-4º Primaria

5º-6º Primaria